Fagbioingeniør ved Preanalytisk seksjon - vikariat

Om avdelinga

Avdeling for medisinsk biokjemi og farmakologi (MBF) er ein av i alt åtte einingar som er organisert under Laboratorieklinikken i Helse Bergen, og har om lag 370 tilsette. Avdelinga har 12 analytiske og 3 ikkje-analytiske seksjonar, tre legegrupper (medisinsk biokjemi, Hormonlaboratoriet og klinisk farmakologi), i tillegg til NAPOS, NOKLUS Vest, og RELIS.

Preanalytisk seksjon er den største seksjonen ved MBF og har mellom 40 og 50 bioingeniørar og helsesekretærar knytt til seksjonen til ei kvar tid. Seksjonen har ansvar for mottak, registrering og fordeling av prøver til MBF og andre laboratorium ved sjukehuset.

Arbeidsoppgåver

• Delta i rettleiing i blodprøvetaking for medarbeidarar, studentar og desentrale prøvetakarar.
• Bidra som instruktør på praktiske kurs for venøs og kapillær blodprøvetaking.
• Bidra i hygiene- og smittevernarbeid ved MBF.
• Bidra som støttefunksjon for koordinator desentral prøvetaking.
• Delta i oppfølging av poliklinikken i Sentralblokka.
• Superbrukar Imatis og avviksbehandling i Synergi.
• Delta i driftsoppgåver ved seksjonen.