Er du utviklingsorientert og søkjer nye utfordringar?

Tolletaten søkjer seksjonssjef til ein nyoppretta seksjon for forretningsutvikling i Vareførselsdivisjonen (VD). Seksjonen er organisert under ei nyoppretta avdeling for vareførselsutvikling. Vareførselsdivisjonen har nasjonalt ansvar for den registrerte vareførselen, og hovudkontor i Bergen.

Vi søkjer ein handlekraftig og utviklingsorientert leiar som blir motivert av å få ei sentral rolle i arbeidet med den kontinuerlege vidareutvikling av ein viktig samfunnsfunksjon. Som leiar av seksjonen vil du få eit særleg ansvar for å formidle vurderingar og behov både frå fagsida og eksterne interessentar som grunnlag for juridiske regelverksutvikling og utviklinga av etatens digitale løysingar.

Sentrale arbeidsoppgåver:

Som leiar vil du ha eit heilskapleg ansvar for å leie seksjonen både administrativt og fagleg. Du vil:

• Ha personal- og leiaransvar for medarbeidarane i eininga.
• Samarbeide med andre einingar, utviklingsinitiativ og prosjekt internt i etaten, og med aktuelle eksterne samarbeidspartnarar.
• Få ei sentral rolle i å strukturere opp og prioritere utviklingsarbeidet i divisjonen.

Vi tilbyr:

• Moglegheit for den rette kandidat til å forme og utvikle ein nyoppretta seksjon.
• Eit tverrfagleg arbeidsmiljø med eit viktig felles samfunnsoppdrag.
• Lønn i spennet 840 000 - 920 000, med moglegheit for høgare lønn for særskilt kvalifiserte.
• Moderne kontorlandskap sentralt på Danmarksplass i Bergen.
• Gode pensjons- og forsikringsordningar gjennom Statens pensjonskasse.