Som medarbeidar innan informasjonssikkerheit

Du vil jobbe tett med Chief Information Security Officer (CISO) og vere ein sentral ressurs i det operative arbeidet med styring, risiko og etterlevelse innan informasjonssikkerheit i Vestland fylkeskommune. Du vil arbeide på tvers av sektorar og fagmiljø og bidra til at informasjonssikkerheit vert ein naturleg del av virksomheitsstyring, anskaffingar, prosjektarbeid og dagleg drift og utvikling.

Arbeidsoppgåver

Sentrale arbeidsoppgåver vil vere å:

• Støtte leiarar, systemeigarar, tenesteeigarar, prosjekt og fagmiljø i spørsmål knytte til informasjonstryggleik.
• Planleggje og fasilitere risiko- og sårbarheitsvurderingar og andre tryggleiksvurderingar.
• Bidra til at krav til informasjonstryggleik vert forstått og ivareteke ved anskaffing, innføring og endring av system, tenester og arbeidsprosessar.
• Følgje opp risiko, avvik og tryggingstiltak ute i organisasjonen.
• Bistå CISO i det praktiske arbeidet med å forvalte, vidareutvikle og følgje opp styringssystemet for informasjonstryggleik (ISMS).
• Bidra til å omsetje krav frå regelverk, standardar og interne styrande dokument til praktisk tryggleiksarbeid.
• Bidra i planlegging og gjennomføring av opplæring og medvitsgjeringsaktivitetar.

Rolla er ikkje primært teknisk, men du må vere interessert i teknologi og kunne forstå tekniske problemstillingar godt nok til å vurdere risiko.