Vil du vere ansiktet utad for Årdal Teknologipark?

Årdal Teknologipark søkjer ein positiv, strukturert og serviceinnstilt administrasjons- og servicemedarbeidar i 50 % stilling.

Dette er ei variert rolle der du får ein viktig funksjon i den daglege drifta av teknologiparken og bidreg til at både besøkande, samarbeidspartnarar og leigetakarar får ei god oppleving. Stillinga krev fleksibilitet i periodar med høg aktivitet, og kan på sikt verte utvida i takt med vidare vekst og utvikling av Årdal Teknologipark.

Arbeidsoppgåver

• Vere vertskap for besøkande og gjester i Årdal Teknologipark
• Koordinere bookingar og leggje til rette for møte, kurs og arrangement
• Fakturering og enklare administrative oppgåver
• Informere brukarar og besøkande om rutinar og retningslinjer i lokala
• Bidra til orden, trivsel og god service i teknologiparken
• Andre førefallande administrative og praktiske oppgåver

Vi tilbyr

• Ei variert og sjølvstendig stilling i eit spennande næringsmiljø
• Eit godt arbeidsmiljø med engasjerte menneske
• Moglegheit til å vere med og vidareutvikle Årdal Teknologipark
• Løn etter avtale