Instituttleiar ved Institutt for lingvistiske, litterære og estetiske studium

Vil du leie eit institutt som formar framtida for humaniora? Det humanistiske fakultet ved Universitetet i Bergen søkjer instituttleiar ved Institutt for lingvistiske, litterære og estetiske studium (LLE) med tilsetjing frå 01.11.2026.

Om stillinga

Som instituttleiar får du ein unik moglegheit til å leie, utvikle og påverke. Stillinga er både utfordrande, mangesidig og ansvarsfull. Du vil arbeide i eit spennande og mangfaldig miljø med dyktige og inspirerande kollegaer, der du skal vera med på å forme eit institutt slik at både tilsette og studentar får gode vilkår for læring, utvikling og trivsel.

Arbeidsoppgåver og ansvar

• Overordna ansvar for den samla faglege og administrative verksemda ved instituttet.
• Strategisk og fagleg-politisk leiing av forsking, forskarutdanning, undervisning og formidling.
• Forvalting av studietilbodet og ressursbruk.
• Utvikling og drift av forskingsaktiviteten, inkludert stimulering til ekstern finansiering.
• Arbeidsgjevaransvar, HMS-ansvar og ansvar for budsjettbalanse.