m/rekrutteringstillegg

Sjukepleiar 80% fast stilling, natt - Rosendalstunet

Vil du vera med og gje eldre ei trygg, verdig og fagleg god omsorg? Vi søkjer ein engasjert sjukepleiar til 80 % fast nattstilling i turnus ved Rosendalstunet.

Rosendalstunet ligg i vakre Rosendal ved Hardangerfjorden og har 60 plassar fordelt på langtidsopphald, demensomsorg og korttid/rehabilitering. Hos oss møter du eit sterkt fagmiljø med fokus på kvalitet, rehabilitering, demensomsorg og palliasjon.

Nattenesta er organisert slik at sjukepleiar på natt utfører oppgåver både i institusjonen og i heimesjukepleia. Arbeidet omfattar mellom anna stell og tilsyn, faste tilsyn hjå heimebuande brukarar, samt handtering av alarmar og utrykkingar.

Arbeidsoppgåver

• Yta heilskapleg pleie og omsorg til pasientar.
• Stell og tilsyn av pasientar både i institusjon og i heimesjukepleia.
• Utføra faste tilsyn hjå heimebuande brukarar.
• Delta ved utrykkingar og handtera alarmar, inkludert tryggleiksalarmar.
• Legemiddelhandtering.
• Dokumentasjon og oppfølging av tenestene.
• Samarbeid med pasientar, pårørande og kollegaer.

Vi tilbyr

• Eit godt fag- og arbeidsmiljø med dyktige og engasjerte kollegaer.
• Rekrutteringstillegg på kr. 50.000,- med eit år bindingstid.
• Gode pensjons- og forsikringsordningar gjennom KLP.
• Moglegheit for dekning av flytteutgifter etter nærare reglar.
• Gratis SFO og søskenmoderasjon i barnehage.